Gladmelding til alle frå Storehesten Opp !

Storehesten Opp v/Gaular IL er nyleg tildelt ei gåve på heile 175 000 kroner frå Sparebankstiftinga Sogn og Fjordane. Pengane vil bli nytta til vidare opprusting av stien frå Stølshaugane til toppen på Storehesten. Dette er ei fantastisk gåve som gjer det muleg for oss å tilby ei endå betre og sikrare løype i 2012, til glede både for konkurranseløparar og mosjonistar, seier leiar i arrangementskomiteen, Helge Kårstad.

Sparebankstiftinga har tidlegare gitt 100 000 kroner til arbeidet med stien. Med god støtte frå helikopterselskapet Airlift er desse pengane brukt til å legge ut store steinheller på våte parti. No kan dette arbeidet fullførast.

2012 - STOREHESTEN OPP LAURDAG 30.JUNI

Storehesten Opp 2012 vil verte arrangert laurdag 30. juni. Merk av datoen i kalenderen! Årets arrangement er vel i hamn, og planlegginga er alt i gang for ei ny stormønstring av mosjonistar og konkurranseløparar. Vi takkar for mange gode tilbakemeldingar, og ønskjer alle velkomen tilbake i 2012.

STOREHESTEN OPP 2011 - PÅ VIDEO!

No kan du få oppleve Storehesten Opp 2011 "live". Danske Claus Guttesen deltok i mosjon med tid, og filma løpet frå Stølshaugane til toppen. Han takkar for eit flott tilrettelagt arrangement frå a til å, der alt var heilt topp unntatt veret, og det styrer ingen. Han har sendt oss ei redigert utgåve av filmen (ligg på YouTube).

Arrangementskomiteen takkar for videoen og dei gode tilbakemeldingane på årets arrangement, og ønskjer alle hjarteleg velkomne tilbake i 2012!